Буралом (1925)/К пятай гадавіне Акцябра

← Хто гэта ідзе

К пятай гадавіне Акцябра Верш Аўтар: Змітрок Бядуля 1925 год

Перад помнікам Карла Маркса →

Іншыя публікацыі гэтага твора: Пятая гадавіна Кастрычніка.

Прапануем да спампаваньня!

К пятай гадавіне Акцябра.

Паўдзесятка летаў, паўдзесятка зім
Вульканамі цьвітуць на хартыі сусьвету.
Громам сыпаў гулка ўсёпабедны гымн,
Нябёсамі былі знамёны з макаўцьвету.

Проціў нас паўсталі ворагаў палкі, —
Мы чысьцілі іх сьлед вяхоткаю сталёвай.
Хвілямі і днямі йшлі мы праз вякі, —
Мы ў будучыну йшлі насустрач долі новай.

Наш мазоль — чыгунны, мускул — як жарствяк
Расьцёрлі на луску залочаных бажышчаў.
Шчытнай грамадою быўшы раб-бядак
Будуе, шчасьця гмах на сьлёзных папялішчах.

Менск, 1922 г.

---

---