Веснапесьні (1929)/Места

← ⁂ (На двары вастрожным бура…)

Места Верш Аўтар: Хведар Ільяшэвіч 1929 год

Марш „Адраджэньне“ →

Іншыя публікацыі гэтага твора: Места (Ільяшэвіч).

Прапануем да спампаваньня!

МЕСТА.

Места вагнявокае…
Вуліцы шырокія…
Людзі каля сьценаў, ля афішаў, кін…
Твары ў іх ўсё вясёлыя…
Тротуары гамонкія…
Чуецца вясеньні радасьці прыліў.
Сэрцу люба, весела.
Ветры цёплагульныя прыляцелі з поля,
Б‘юцца проста ў твар.
Хмельны шум расходзісты.
Песенькі разгульныя.
Места, места роднае!
Песьня — табе дар…

1928 г.