Веснапесьні (1929)/Шлях даўгі, ланцужны…

← ⁂ (Ймгла акутала лог…)

⁂ (Шлях даўгі, ланцужны…) Верш Аўтар: Хведар Ільяшэвіч 1929 год

Іншыя публікацыі гэтага твора: Шлях даўгі, ланцужны…

Прапануем да спампаваньня!

∗
∗               ∗

Шлях даўгі, ланцужны —
Беларусь мая!
Перапевы сьцюжы,
Летняя туга…
Поле не ўзгарана…
Калёсаў паскрыг…
І ідзе скаваны
Гаротнік-мужык.
Твар яго — васковы,
Вочы яго — муць,
А хатуль вясковы
Цісьне сьпіны худзь.
На шляху кудрамі
Зьвісла вецьце лоз,
Льлюць бярозы цьмяны,
Лісьцявяны воск…
Шлях даўгі, ланцужны —
Беларусь мая!
Перапевы сьцюжы,
Летняя туга…

1929 г.