Водгульле (1922)/Посьле навальніцы

← Перад бурай

Посьле навальніцы Верш Аўтар: Якуб Колас 1922 год

Муха →

Іншыя публікацыі гэтага твора: Пасьля навальніцы.

Прапануем да спампаваньня!

ПОСЬЛЕ НАВАЛЬНІЦЫ.

Навальніцы няма, навальніца сашла,
Хмары далей паціснулі ў сьвет,
І страхлівая цьма, дажджаная імгла
Разам з ёю пашлі ў адзін сьлед.

Хоць грыміць яшчэ гром і зямельку трасе,
Хоць маланка жахліва гарыць;
Над раўком-капяжом ў саламянай страсе,
Як сьляза, яшчэ кропля дрыжыць;

Але глухне раскат, і маланка радзей
Палыхае ў гняўлівых клубкох…
Заспакойся-ж, мой брат, і глядзі весялей,
Бо сьмяецца ўжо сонца ў палёх!

1921 г.