Вянок (1914)/Место/Сеў хлопчык с шкляначкай…

← Завіруха

⁂ Сеў хлопчык с шкляначкай… Верш Аўтар: Максім Багдановіч 1914 год

⁂ Ад сьпекі пышуць дахі і асфальт… →

Іншыя публікацыі гэтага твора: Сеў хлопчык з шкляначкай ля вулічнага ганку…

Прапануем да спампаваньня!

* * *

Сеў хлопчык с шкляначкай ля вулічнаго ганку
І выдувае з мыла пузыры.
Вясёлкаю гараць яны ў зіяньні ранку,
Ўзлетаючы ў паветрэ да гары.

І заварожэны шматфарбнаю красою,
Са спрытнасьцю і хцівасьцю ката
Хапае хлопчык іх няжорсткаю рукою,
А застаецца ў ёй—адна слата.