Вянок (1914)/У зачараваным царстві/Добрай ночы зара-зараніца…

⁂ Добрай ночы зара—зараніца…
Верш
Аўтар: Максім Багдановіч
1914 год

Іншыя публікацыі гэтага твора: Добрай ночы, зара-зараніца…

Прапануем да спампаваньня!

∗
∗ ∗

Добрай ночы, зара-зараніца!
Ўжо імгла над зямлёю лажыцца,
Чорнай рызай усё пакрывае,
Пылам зор небасхіл абсевае.
Цішыня агартае мне душу!
Вецярок прыдарожную грушу
Ледзьве чутна варушэ — калышэ,
Міла бомы сьмяюцца у цішы,
Ціха срэбрам грукае крыніца.
Добрай ночы, зара-зараніца!