Вянок (1914)/У зачараваным царстві/Цёплы вечэр, ціхі вецер…

← ⁂ Блішчыць у небі зор пасеў…

⁂ Цёплы вечэр, ціхі вецер… Верш Аўтар: Максім Багдановіч 1914 год

Добрай ночы зара—зараніца… →

Іншыя публікацыі гэтага твора: Цёплы вечар, ціхі вецер, свежы стог…

Прапануем да спампаваньня!

∗
∗                    ∗

Цёплы вечэр, ціхі вецер, сьвежы стог
Улажылі спаць мяне вы на зямлі.
Не ўстае стаўпом пыл сьветлы ўздоўж дарог,
У небі месяца праглянуў бледны рог,
У небі ціха зоркі расцьвілі.

Заварожэны вячэрняй цішыной
Я не цямлю, дзе рука, дзе галава;
Бачу я, с прыродай зліўшыся душой,
Як дрыжаць ад ветра зоркі на да мной,
Чую ў цішы, як расьце трава.