Вянок (1927)/Вольныя думы/Мне сьнілася

← ∗ Была калісь пара…

Мне сьнілася Верш Аўтар: Максім Багдановіч 1927 год

∗ Шмат у нашым жыцьці ёсьць дарог… →

Іншыя публікацыі гэтага твора: Мне сьнілася (Багдановіч).

Прапануем да спампаваньня!

МНЕ СЬНІЛАСЯ.

Ўсё вышэй і вышэй я на гору ўзьбіраўся,
Падымаўся да сонца, што дае нам цяпло:
Але чым болей да яго набліжаўся,
Тым усё халадней мне і маркотней было.

Заскрыпеў сьнег сыпучы пад маімі нагамі,
І марозам калючым твар пякло ўсё крапчэй.
І пануры, прыстаўшы, ўніз пайшоў я сьнягамі,
Сонца там хоць і далей, але грэе цяплей!