Вянок (1927)/Думы/Кінь вечны плач свой аб старонцы…

← ∗ Халоднай ноччу я ў шырокім, цёмным полі

∗ Кінь вечны плач свой аб старонцы… Верш Аўтар: Максім Багдановіч 1927 год

∗ Зразаюць галіны таполі адну за адной… →

Іншыя публікацыі гэтага твора: Кінь вечны плач свой аб старонцы…

Прапануем да спампаваньня!

∗
∗        ∗

Кінь вечны плач свой аб старонцы!
Няўжо-жа цёмнай ноччу ты
Ня бачыш, што глядзіцца сонца
Ў люстэрка — месяц залаты?

Не згасла сонца! Сонца гляне,
Усіх падыме ада сна!
Ён, гэты дзень, яшчэ настане, —
І ачунее старана!

Я пад яе зімовай маскай —
Пад сьнегам — бачу твар вясны,
І вее верш мой дзіўнай казкай,
І ясны ён, як зорак сны.