Вянок (1927)/Думы/Зразаюць галіны таполі адну за адной…

← ∗ Кінь вечны плач свой аб старонцы…

∗ Зразаюць галіны таполі адну за адной… Верш Аўтар: Максім Багдановіч 1927 год

∗ Рушымся, брацьця… →

Іншыя публікацыі гэтага твора: Зразаюць галіны таполі адну за адной…

Прапануем да спампаваньня!

∗
∗        ∗

Зразаюць галіны таполі адну за адной…
Бяз скаргі яны на зямлю чарадою лажацца,
Бо сьмерць іх патрэбна, каб дзерава новай вясной
Магло-бы хутчэй разьвівацца.

Таварышы-брацьця! Калі наша родзіна-маць
Ў змаганьні з нядоляй патраціць апошнія сілы, —
Ці хваце нам духу ў час гэты жыцьцё ёй аддаць,
Бяз скаргі легчы ў магілы?!