Вянок (1927)/У зачарованым царстве/Ціха па мягкай траве…

∗ Ціха па мягкай траве…
Верш
Аўтар: Максім Багдановіч
1927 год

Іншыя публікацыі гэтага твора: Ціха па мяккай траве…

Прапануем да спампаваньня!

∗
∗ ∗

Ціха па мягкай траве
Сінявокая ноч прахадзіла;
Ціха з заснуўшых палян
Плыў угару і зьнікаў,
Быццам дым сіняваты з кадзіла,
Рэдкі правідны туман;

Неба, ўсю глыб ажывіўшы,
Патроху праз цемнь выглядалі
Зорак дрыжачых вянкі;
Конікі суха зьвінелі;
Шырэй разьліваліся хвалі
Цёмнай люстранай ракі;

Пала раса; у палёх
Загарэліся пацеркі мілых
Жоўта чырвоных агнёў…
Час, калі трэба журыцца
Душою на сьвежых магілах
Пуста пранёсшыхся днёў.