Гудкі (1930)/Акцябрыны

← Гэрой працы

Акцябрыны Верш Аўтар: Андрэй Александровіч 1930 год

Векапомныя паходы →

Іншыя публікацыі гэтага твора: Акцябрыны (Александровіч).

Прапануем да спампаваньня!

АКЦЯБРЫНЫ

Галаву сваю вечар павесіў,
заскрыпела адлігай зіма…
А за працаю гучна і весела, —
нудлівасьці ў працы няма…

Сёньня Максім з Кацярынай
з фабрыкі „Ўдарны Фронт“
справілі баль-акцябрыны —
Новае нашых дзён.

Піонэр ад рабочых падросткаў
гальштук чырвоны паднёс,
прамовай гарачай папросту
пажадаў, каб вялікі рос.

Комсамолец з радасьцю кінуў:
— паслухай, таварыш Максім —
нас з табой парадніла — машына,
а з сынам — імя яго — КІМ.

Піонэр — комуніст — комсамолец
разгортвайце „Ўдарны Фронт“ —
Наша праца няспынна ніколі,
як жыцьцё палымнее, як горн!..

Радасьць працоўных усьпенена
радасьць шчаслівых хвілін.
Думкі бясьмертнага Леніна
звонкія песьні машын.