Гусьляр (1910)/Siročaja dola

Siročaja dola
Верш
Аўтар: Янка Купала
1910 год

Іншыя публікацыі гэтага твора: Сірочая доля.

Прапануем да спампаваньня!

Siročaja dola.

Ciażka siracince
Adzinokaj żyć;
Dola-wiesiałucha
Znikul nie biażyć.
Za chataj i ŭ chacie
Ciarpić sirata:
To maroz marozie,
To zolić słata.
Bačuć maci, baćka
Rodnaje dzicio;
Ŭbohuju sirotku
Chto-ż ubače, chto?
Ad bramy da bramy
Jdzie, zbiraje chleb,
Rucačku praciahnie, —
Kożny hluch i ślep.
Kożny naśmiajecca
Nad biednaju jej,
Sa zrebnaj kašuli,
Z łazowych łapciej.
Oj! ciarpiš, sirotka,
Ŭsio żyćcio ciarpiš;
Pojdzieš u mahiłku, —
Chto-ż pastawie kryż?
Chto, jak lažeš spaci
Na wieki ŭ ziamlu.
Paciery zhawore
Za dušu twaju?
Chiba hety wiecier,
Što ŭ platach piaje,
Chiba z dażdżom chmarka
Ślazu pralije.
Chiba nočkaj zorki,
Što ŭ niebi harać,
Pa sirotce ŭbohaj
Buduć biedawać.