Гусьляр (1910)/Na mohiłkach

← Wyjdu, wyjdu

Na mohiłkach Верш Аўтар: Янка Купала 1910 год

Siročaja dola →

Іншыя публікацыі гэтага твора: На могілках (Купала).

Прапануем да спампаваньня!

Na mòhiłkach.

Staju na mòhilkach i dumu
Ŭ ślaźliwym sercy kałyšu,
Haniu ad żyćciowaha šumu
Ŭ zahrobny kraj swaju dušu.

Biahuć pryhasšyje zrenicy
Pa naspach, plitach i kryżoch;
Na ŭsich znać smutak biez hranicy,
Na ŭsich let mnohich paros moch.

Leżać zarytyje tut kości
Wajak harotnych za żyćcio,
Syjšli ŭ ziamlu na wiečny hości,
Syjšli pad dziornaŭ pakryćcio.

Ech! bjecca, bjecca chtoś niemała
Harotna ŭ ščaści, to ŭ biadzie;
Skasiła śmierć — i ŭsio prapało…
Dzie hore, dola, dumy dzie?

Usio ŭ chałodnaj śpić mahile
Snom wiečnym, nieprabudnym snom.
O śmierć! chto dzie ciabie asiliŭ?
Nia jšoŭ, nia zloh pad kurhanom?

Iduć usie, i ja za ŭsimi
Syjdu z nudoj, biadoj swajej.
Tak ciażka żyć pamiż żywymi!
Ŭ mahile budzie mo lahčej.

---