Гусьляр (1910)/Wyjdu, wyjdu

Wyjdu, wyjdu
Верш
Аўтар: Янка Купала
1910 год

Іншыя публікацыі гэтага твора: Выйду, выйду…

Прапануем да спампаваньня!

Wyjdu, wyjdu.

Wyjdu, wyjdu ja s chacinki
Ŭ zialony sadok,
Pajdu k hrušce pad halinki,
Pasiadżu kusok.
Šumić hruška nada mnoju,
Trasucca listki,
Duša poŭna niespakoju,
Ŭ sercy żal taki.
Nawiertajucca na wočy
Ślozy, jak rasa,
Świetłych dumak hnać nia choče
Moładaść — krasa.
Latuć tolki dumki zdala,
Chmurnyje, jak ja.
Hasiuć, dawiuć smutkam, żalem
Praświetłaść żyćcia.
Piajuć pieśni, jak z napaści.
Jak wusień, zima,
Što nia żyć mnie ŭ woli, ŭ ščaści,
Što doli nima…
Oj nia rwicie serca mnie tak,
Dumki! Trudna żyć!
Waźmu kryknu hrozna hetak, —
Dola prybiażyć.
Hej, biaży ty, hej, laci ty,
Dola da mianie!
Taboj, kliču, pazabyty
Na jawie i ŭ śnie.
Praŭda dumak: hołas mre moj,
Doli nie čuwać,
Šumić tolki hruška niema,
Listočki dryżać.