Дзіва (1927)/III/Загукала

Загукала
Верш
Аўтар: Нічыпар Чарнушэвіч
1927 год

Прапануем да спампаваньня!

ЗАГУКАЛА…

Загукала вясна
Пастуховаю ўраньне жалейкай —
Абудзіся зямля;
Холад крыльлі узьняў
І бяжыць неаглядна ўдалечань
Па паўноччу гуляць…

Ёй ў адказ гучны сьпеў
Ручайкоў праз разоры палянак
Агартае папар.
Сонца лужынкі п‘е,
Ў кучкі сьнегу праменьнем паляе…
З мокрых стрэл дыміць пар.
Ужо мяцежыць рака,
Рве з сябе ледзяную кашулю —
Зімніх дзён ланцугі —
І нясецца ускач З вызваленна-грукочучым шумам,
Залівае лугі…

А на ўзгорках лясоў
З-пад шкілету калішняга лісьця
Выпаўзае на сьвет
Праз дзярновы пясок
Сінь-пралесак пахучая нізка —
Веснавы первацьвет.

15-IV-23 г.