Для дзяцей (Талстой, 1928)/Байкі/Мужык і конь
| ← Два мужыкі | Мужык і конь Байка Аўтар: Леў Талстой 1928 год Арыгінальная назва: Мужик и лошадь Пераклад: Макар Краўцоў |
Два кані → |
Прапануем да спампаваньня!
МУЖЫК і КОНЬ.
Паехаў Мужык у места па авёс для каня. Толькі што выехаў з вёскі, Конь пачаў заварочваць назад да хаты. Мужык даў па кані пугай. Ён пайшоў і думае аб Мужыку: „куды ён, дурань, мяне прэ; лепш-бы да хаты“. Не даяжджаючы да места, Мужык бачыць, што Каню цяжка па гразі: зьвярнуў на брук, а Конь круціць проч ад бруку. Мужык сьцебануў цугаю і пацягнуў каня; ён пайшоў на брук і думае: „на што ён мяне пакіраваў на брук, толькі капыты абламаеш. Тут пад нагамі шорстка.“
Мужык пад‘ехаў да крамы, купіў аўса і паехаў да хаты. Калі прыехаў да хаты, даў каню аўса. Конь пачаў есьці і думае: „якія людзі дурныя! толькі любяць над намі разумнічаць, а розуму ў іх менш як ў нас. Аб чым ён клапаціўся? Кудысьці езьдзіў і ганяў мяне. Колькі мы ня езьдзілі, а ўсё-ж вярнуліся да хаты. Лепш-бы з самага пачатку заставацца нам з ім дома: ён сядзеў-бы на печы, а я еў-бы авёс“.