Пунсовае раньне (1926)/Я. Туміловіч/Завод

← Пастух

Завод Верш Аўтар: Янка Туміловіч 1926 год

⁂ Ой, я помню →

Прапануем да спампаваньня!

ЗАВОД

Расплыўся туман за ваконьніцай:
Устала шэрая раніца;
Засьмяялася весела сонца, —
Разам з заводам буяніцца.

Зазьвінела жалезнае горла.
Песьней ляскочуць калёсы;
Асілак сталёвы — горнам
Пачаў распаляць новы лёс нам.

Паняслося рэха ў аколіцу;
Прыбралася ў вопратку ніва.
Горад — заводам бурболіцца,
Грае сталёвае „жніва“…

Расплыўся туман за ваконьніцай.
Паглядае прыгожая раніца.
Разам з заводам сонца
Ў паветры сьвежым купаецца.