Заранкі (1924)/Маё жаданьне

← ⁂ (Чаму мне так сумна…)

Маё жаданьне Верш Аўтар: Янка Журба 1924 год

Романс →

Прапануем да спампаваньня!

МАЁ ЖАДАНЬНЕ.

Будзь ў маім жыцьці ты
Зоркай пуцяводнай,
Променем яскравым,
Кветкай, птушкай роднай.
Я хачу, каб зорка
Зіхацела ясна,
Каб было з табою
Жыць мне сьветла, шчасна;
Каб цяпло той промень
Нам даваў, як сонца,
Саграваў жыцьцё нам
Шчаснае бясконца.
Я хачу, каб кветка
Душу прыбірала,
А каб птушка родна
Вечна мне сьпявала.