Заранкі (1924)/Песьня ваякоў рэволюцыі

← Раскуты Промэтэй

Песьня ваякоў рэволюцыі Верш Аўтар: Янка Журба 1924 год

Грайце, струны… →

Прапануем да спампаваньня!

ПЕСЬНЯ ВАЯКОЎ РЭВОЛЮЦЫІ.

Палае золак прамяністы
Над ачуняўшай стараной.
Парваны ланцугі навекі,
І схамянуўся люд душой.

Магутны гімн нясецца вольна,
І думкі рвуцца на прастор.
У нашых песьнях працы й волі
Узьлёт да сонца і да зор.

Ў праменьнях золаку мы бачым
Усход шчасьлівага жыцьця:
Дзе нёсся енк людзей пакутных,
Навек ня будзе там ныцьця!

Мы весьнікі сусьветнай волі,
Наш з кожным днём ўзрастае лік.
Да вас, таварышы краеў ўсіх,
Мы шлём магутны упарты клік:

Ўставайце, сябры ўсіх абшараў.
К астатней йдзіце барацьбе,
Зруйнуйце лад стары й будуйце
Жыцьцё вы новае сабе!