Заранкі (1924)/Грайце, струны…

← Песьня ваякоў рэволюцыі

Грайце, струны… Верш Аўтар: Янка Журба 1924 год

Скала і сфінкс →

Прапануем да спампаваньня!

ГРАЙЦЕ, СТРУНЫ…

Грыміце, як буры пяруны,
Мае пролетарскія струны,

Сьмялей к барацьбе заклікайце,
Ад рабскага сну абуджайце!

Хай гукі ў заводы імкнуцца —
Там клічам агнёвым нясуцца,

Хай граюць у вольных абшарах —
Ў сялянскіх цярнёвых папарах.

Хай звон гучным рэхам ракоча
І сьветлую долю прароча.

Хай згіне навекі батрацтва,
Жыве хай сялянскае брацтва!..

Грыміце-ж, як буры пяруны,
На ўвесь сьвет, працоўныя струны!

Сусьветных байцоў вы склікайце
І сьвет з ланцугоў вызваляйце!