Збор твораў (Бядуля, 1937)/I/Заліў быдлячы лой валоў і твае грудзі

← Не ўгодзіш

*** Заліў быдлячы лой валоў і твае грудзі Верш Аўтар: Змітрок Бядуля 1937 год

Можа быць →

Іншыя публікацыі гэтага твора: Заліў быдлячы лой валоў і твае грудзі…

Прапануем да спампаваньня!

∗∗∗

Заліў быдлячы лой валоў, і твае грудзі —
Бяздумна ты жывеш, без сэрца, без вачэй.
Не трэба нам такіх — няхай такіх не будзе!
Дык згінь, шальмец, як цень захмураных начэй!

Аблічына твая ад сытасці так брыдка,
А плечы, карак твой — бярэмя гнілых дроў.
Напоўнены слязмі твой скарб, твае здабыткі,
А золата-шаўкі іржавіць-пляміць кроў.

Паганіш ты сабой абшар зямлі і неба,
Як дзікі, люты звер, калечыш ты жыццё.
У жвір-пясок такіх аддаць магіле трэба,
З сонечнай зямлі спіхнуўшы ў забыццё.

Вільня, 1915 г.