На трэцюю гадавіну Акцябрскай рэвалюцый
Тры гады мы ліхіх варагоў
На крывавых франтох адбівалі;
Тры гады мы трымалі ахоў
Тых краёў, якім волю дасталі.
Ў нашых грудзях паўстаньня агонь
Ня стухаў ў гэты час й на хвіліну:
Зваў паборнага сьцягу чырвонь
Класьці жыцьце за волі айчыну.
І цаною вялікіх ахвяр
Варагоў мы змаглі, зваявалі,
Рэволюц‘і Акцябарскай дар
Для працоўных людзей захавалі…
Вось цяпер, калі вораг разьбіт —
Не спачынку чакаць мы павінны:
Кожны мусіцьме гартам быць зьліт
Дзеля працы руплівай, няўпыннай.
Каб ў руках нашых молат і плуг
З тым жа посьпехам ўсе закрапілі,
Што з мячом ваяўнічы наш дух
На крывавых франтох збаранілі.
Менск, 1920
|
Прапануем да спампаваньня!