Збор твораў (Гартны, 1929—1932)/1/Урачыстасьць жыцьця/Над палянаю

Над палянаю
Верш
Аўтар: Цішка Гартны
1930 год

Іншыя публікацыі гэтага твора: Над палянаю.

Прапануем да спампаваньня!

НАД ПАЛЯНАЮ

Белы месяц над палянаю
Кругам срэбным расьсьцілаецца.
Траўка зеленьню руцянаю
Ў небе сінім адбіваецца.

Як пялёнкаю празрыстаю,
Лунь зьвісае, к долу сьцелецца,
І трава кругом расістая
Луньню мглою белай беліцца.

Як вянком, дубы куповыя
Нярухомы над палянаю
Свае ралы стогадовыя
Апускаюць, лісьцем ўбраныя.

Цені сеткамі паплецены
Пазамёрлі, ня рухаюцца;
Прамя к галу ўсё адмецена
І вярнуцца не стараецца.

А чуць шамне ветрык повеем —
Зашапоча лісьце з траўкаю,
Быццам гутаркай бязмоўнаю,
Нейкай мяккаю і плаўкаю.

Вількамір, 1912