Збор твораў (Гартны, 1929—1932)/1/Урачыстасьць рэволюцыі/Дапрызыўнікі

← Дэлегатка

Дапрызыўнікі Верш Аўтар: Цішка Гартны 1930 год

Сельскі мітынг →

Іншыя публікацыі гэтага твора: Дапрызыўнікі (Гартны).

Прапануем да спампаваньня!

ДАПРЫЗЫЎНІКІ

Сьпеў галосны раньнім-раньнем
Перагудамі гудзе
Пра паўстаньне, пра паўстаньне
Заняволеных людзей.
Вулкай роўнай шэраг стройны,
Акрыляюць сотні рук;
Прыціскае поступ войны
Пад дажджом размыты брук.
На пажары, на усходнім
Хібам бочацца штыхі;
Пацінаюцца лагодна
Хмар калматыя вярхі.
Рознастайныя калёры
Сьвітак шэрых, кажухоў
Абвіваюць пераборы
Галасістых галасоў.
Далей-далей, на спатканьне
Ждучым зьявам іх паход.
Сьпеў галосны раньнім-раньнем
П‘е палаючы усход.
З шэрых вёсак, з хатак курных
Дапрызыўнікі прайшлі.
З палкай верай, з думкай бурнай
Кліч прызыўны пранясьлі.

Урэчча, 1925