Збор твораў (Колас, 1928—1929)/I/2/VI/Мікалаю II

← Ворагам

Мікалаю II Верш Аўтар: Якуб Колас 1928 год

Кіньце смутак →

Іншыя публікацыі гэтага твора: Мікалаю II.

Прапануем да спампаваньня!

МІКАЛАЮ II

Дзесяць год Мікола думаў,
І прыдумаў ён Думу.
Пасадзілі разам з панам
Янку, Грыца і Кузьму.

Пасядзелі нядзель з восем,
Узлаваўся Мікалай —
Дэпутатам даў па карку,
Ўзяў ды Думу разагнаў.

Да чаго-ж мы дажыліся!
Эх, падвёў ты нас, царок!
Каб табе даў бог на старасьць
Лапці, торбу і мяшок.

А ні хлеба, а ні солі,
Ні купіць нам, ні прадаць…
Эх, ня вер цару ніколі —
Хоча зноў нас ашукаць.

1907 г.