Збор твораў (Купала, 1925—1932)/I/Жалейка/Вольха

← Дуб

Вольха Верш Аўтар: Янка Купала 1925 год

Ліпа →

Іншыя публікацыі гэтага твора: Вольха (Купала).

Прапануем да спампаваньня!

ВОЛЬХА

Шуміць маркотна вольха
Над рэчкаю бурлівай,
Аброслая на доле
Бадылямі, крапівай,

Над ёй сінее неба
І сее няпрыветы:
То студзяць яе зімы,
То паляць яе леты.

Абломлівае вецер
Галіны бяз сумленьня,
Падточывае рэчка
Жылястае карэньне.

Пацешыцца, як птушкі
Пяюць вясной агнісьце;
Жалобу жаляў носіць,
Як разьдзяецца з лісьцяў.

Дні многія праходзяць,
Найбольш непагадліва,
Шуміць маркотна вольха
Над рэчкаю бурлівай.

---