Збор твораў (Купала, 1925—1932)/I/Жалейка/Выйду…

← Захад сонца

Выйду… Верш Аўтар: Янка Купала 1925 год

Сяўцу →

Іншыя публікацыі гэтага твора: Выйду…

Прапануем да спампаваньня!

ВЫЙДУ…

Выйду я, выйду
З лубкай сваею
І шнур вузенькі
Густа абсею.

Густа расьсею
Збожжам зярністым
Па гэтым полі
Па камяністым.

Мо‘ блісьне доля
Над маёй нівай
І пагадліва,
І урадліва.

Агрэе ў холад,
Скропе ў пагодзе,
Буйна і спорна
Шнур мой уродзе.

Сажну увосень,
Як будзе сьпелы,
Хопіць мне хлеба
На годзік цэлы.

---