Збор твораў (Купала, 1925—1932)/I/Жалейка/Гэй, ты, сэрцайка…

← Плачуць мае песьні

Гэй, ты, сэрцайка… Верш Аўтар: Янка Купала 1925 год

Адзін →

Іншыя публікацыі гэтага твора: Гэй, ты, сэрцайка…

Прапануем да спампаваньня!

ГЭЙ, ТЫ, СЭРЦАЙКА…

Гэй, ты, сэрцайка,
Ня тужы, замры!
Душа смутная,
Песень не твары!

Бо каму-ж, каму
Ў жалю запяю?
Хто паслухае
Песьню-жаль маю?

Можа-б выслухаў
Мяне ўбогі брат, —
Не да песенек,
Горам хто багат.

А шчасьлівы хто,
Хто багат ва ўсім, —
Песьня жальбная
Не пад мысьль такім.

Дык каму-ж, каму
Гулка запяю?
Хто паслухае
Песьню-жаль маю?

Перад кім, ой, кім
Расчыню душу?
Стогн бяды, нуды
Ў думках заглушу?

---