Збор твораў (Купала, 1925—1932)/II/Бацькаўшчыне/Зоркі

← Вячэрняя малітва

Зоркі Верш Аўтар: Янка Купала 1926 год

Шлях мой… →

Іншыя публікацыі гэтага твора: Зоркі (Купала).

Прапануем да спампаваньня!

ЗОРКІ

Ночкай, як толькі выходзіў я з хаты,
Зоркі на небе страчаў я чатыры;
Кожны раз зводзіў іх вогнік крылаты,
Хоць к ім з малітвай узносіўся шчырай.

Першая — бацькава зорка ясьнела,
Маткі — другая глядзела ў сьвет горка,
Трэцяя мне мігацела нясьмела,
Роднай зямелькі — чацьвертая зорка.

Першая згасла навекі ня ў часе,
Звольна губляе бліск свой другая.
Трэцяя сумнаю мглой спавілася,
Толькі чацьвертая лепей міргае.

---