Збор твораў (Купала, 1925—1932)/II/Бацькаўшчыне/Ня ўздыхай

← Песьня званара

Ня ўздыхай Верш Аўтар: Янка Купала 1926 год

Яшчэ прыдзе вясна →

Іншыя публікацыі гэтага твора: Не ўздыхай.

Прапануем да спампаваньня!

НЯ ЎЗДЫХАЙ

Ня ўздыхай, не бядуй, брат замучаны мой!
І жыцьця не кляні, не кляні!
Думу-песьню запей, стань адважнай ступой,
Яшчэ раз не засьні, не засьні!

Хоць за хмараю хмара плыве чарадой,
Сільней хмар — гэта сонца агні.
І ты, брат, не бядуй, рвіся к сонцу душой,
Яшчэ раз не засьні, не засьні!

Болей крыжам адным — гэта цень прад зарой,
А там лепшыя новыя дні!
Дык ня плач-жа, брат мой, запей песьню са мной!
Яшчэ раз не засьні!

---