Збор твораў (Купала, 1925—1932)/II/Бацькаўшчыне/Як спытаюцца нас

← Брату

Як спытаюцца нас Верш Аўтар: Янка Купала 1926 год

Дзе вы? →

Іншыя публікацыі гэтага твора: Як спытаюцца нас.

Прапануем да спампаваньня!

ЯК СПЫТАЮЦЦА НАС

Прыдуць людзі з Усходу,
Прыдуць з Захаду людзі
І спытаюцца нас:
Скуль, якога вы роду?
Дзе зямля ваша будзе,
Дзе айчызна у вас?

Мы ля плоту, пад плотам
Паглядзім, пашукаем,
Які даць тут адказ,
І адкажам: Э, што там…
Мусіць, бабскім звычаем
Зьбегла ўпрочкі на час.

---