Збор твораў (Купала, 1925—1932)/II/Наша вёска/Былі ў бацькі тры сыны…

Былі ў бацькі тры сыны…
Верш
Аўтар: Янка Купала
1926 год

Іншыя публікацыі гэтага твора: Былі ў бацькі тры сыны…

Прапануем да спампаваньня!

БЫЛІ Ў БАЦЬКІ ТРЫ СЫНЫ…

Былі ў бацькі тры сыны,
Ды ўсе-ж яны Васілі.
Адзін служыць у дварэ,
Поле панскае арэ;

Другі стражнікам з іх стаў,
Куляй, шабляй засьвістаў;
Трэці згінуў у баю
За свабоду і зямлю.

Бацька ў вёсцы сваёй сьпіць
І дуда пры ім ляжыць;
Ён часамі дзьме ў яе,
Песьню нудную пяе:

Ой ты, дудка, ой дуда!
Бяда жыці мне, бяда!
Не вяселіш ты мяне
Ў маёй беднай старане.