Збор твораў (Купала, 1925—1932)/II/Пераклады з польскае мовы/Доля

← Тры пары дня

Доля Верш Аўтар: Уладзіслаў Сыракомля 1926 год Арыгінальная назва: Dola Пераклад: Янка Купала

Каралі →

Іншыя публікацыі гэтага твора: Доля (Сыракомля/Купала).

Прапануем да спампаваньня!

ДОЛЯ

В. Сыракомлі

Ные сэрца без патолі,
Нудна льлюцца сьлёзы…
Выйду клікаць лепшай долі
Ў даль, пад шум бярозаў.
Дзе ты лепшая, дзе, доля?
Прыбудзь, — хай пазнаем!
Прымем хлебам, прымем соляй,
Шчыра прывітаем.
Дарма плачу, заклікаю
І ў жалі малю я:
Вецер словы абівае, —
Доля ані чуе…
Ой ты, песенька, маўчы ты!
Ня нам вецер зьбіці:
Хадзі з сэрцайкам разьбітым
Па долі тужыці.

---