Зорным шляхам (1932)/Места вагнявокае/Колькі раз я пяяў вам, дажджы?..

← Цягнікі

⁂ (Колькі раз я пяяў вам, дажджы?..) Верш Аўтар: Хведар Ільяшэвіч 1932 год

⁂ (Гарады, гарады Беларусі…) →

Прапануем да спампаваньня!

∗
∗       ∗

Колькі раз я пяяў вам, дажджы?
Колькі раз на вясьнянай вуліцы
Мы скакалі вакол, кружачы
У вясёлай, завейнай разгульліцы?
Зноў абмыліся дахі, дамы,
Сінь нябёсаў фарбуе шыбіны
І ў чаруючы захад мы
З нейкай думкай прыгожай заглыблены.
І як змрокі сплятаюць цем,
Паміж комінаў месяц блукаецца,
У вясьняную п’яную дрэм
Глуха места шуміць, разьліваецца.

1929.