Зорным шляхам (1932)/Места вагнявокае/Лаўлю адрыўкамі разгул мястовы…

← У гарадзкім садзе

⁂ (Лаўлю адрыўкамі разгул мястовы…) Верш Аўтар: Хведар Ільяшэвіч 1932 год

Рассыпалісь іскрынкі — зоры… →

Прапануем да спампаваньня!

∗
∗       ∗

Лаўлю адрыўкамі разгул мястовы,
Падобны да дыханьня зьвера…
Вагні рэклям цалуюць калярова
Вячорна-веснавую шэрасьць…
Што раз, то новыя знаходжу зьместы
Ў вагнёў разводзьдзі, моры шуму…
Вясьнянка казачная —
Места —
Мая вячорная задума.

1929.