Зорным шляхам (1932)/Места вагнявокае/Тысячай сонцаў у шыбах разьліўся заход…

← ⁂ (Беларусь ты мая рассьпяваная!..)

⁂ (Тысячай сонцаў у шыбах разьліўся заход…) Верш Аўтар: Хведар Ільяшэвіч 1932 год

⁂ (Вуліцы! Вуліцы! Вуліцы!..) →

Прапануем да спампаваньня!

∗
∗       ∗

Тысячай сонцаў у шыбах разьліўся заход.
На радыё — дроце…
вароны спраўляюць вячэрню…
Сьвежасьць навейвае вулачны мрок —
Места вячэрняе.
Ў іскрах, што ліжуць блакіт языкамі ракет,
Ў моры людзëў, неўгамонным ніколі…
Чую я нейкі сусьветны прывет —
Вечнае Волі…

1929.