Rodnyje zierniaty (1916)/I/Kamień

← Testamantalny pierścień

Kamień Апавяданьне Аўтар: Леў Талстой 1916 год Арыгінальная назва: Камень Пераклад: Вацлаў Ластоўскі

Wawiorka i woŭk →

Прапануем да спампаваньня!

Kamień.

Adzin biedny pryjšoŭ da bahataho i staŭ prasić chleba. Bahaty nie daŭ ničoha i skazaŭ: „Pašoŭ won!“ Ale biedny nie wychodziŭ. Tady bahaty zazławaŭsia, padniaŭ kamień i kinuŭ im u biednaho. Biedny padniaŭ kamień, pałažyŭ za pazuchu i skazaŭ: „Datul budu nasić hety kamień, pakul nie dawiadziecca mnie kinuć u jaho“.

I pryjšoŭ taki čas. Bahaty zrabiŭ niešta błahoje. U jaho adabrali ŭsio, što jon mieŭ, i pawiaźli u astroh. Kali jaho wiaźli u astroh, biedny padyjšoŭ da jaho, wyniaŭ z-za pazuchi kamień i zamachnuŭsia; paśla razdumaŭsia, kinuŭ kamień na ziamlu i skazaŭ:

— „Daremna ja hetak doŭha nasiŭ hety kamień; kali jon byŭ bahaty i silny, ja bajaŭsia jaho, a ciapier mnie škada jaho.

Pytańnia dla hutarak i piśmiennych rabot. Što zrabiŭ bahaty, kali biedny prasiŭ u jaho chleba? Što skazaŭ biedny, kali u jaho bahaty kinuŭ kamień? Što stałosia z bahatym? Jak pastupiŭ biedny?