Комсамольскія вершы (1930)/КІМ’аўскі марш

← БелААП‘у

КІМ‘аўскі марш Верш Аўтар: Юрка Лявонны 1930 год

У паход! →

Прапануем да спампаваньня!

КІМАЎСКІ МАРШ

Штандары як дзень гараць…
Оркестры,
вышэй страі!
Выдзі на свой парад,
Моладзь усіх краін.
Бі барабан, —
тра-та-там!
Полымя згасіш як?!
Прадэмонструйце нам
Ярасьць ліхіх атак…
— Нечысць усю далоў,
Шырэй пабед хаду!
…Крывіцца лёрда лоб,
Крывіцца
злосьцю
дум…
Хай па гнілых Парыжах
Стогнуць фокстроты
ў барах…

Мэта няўхільная бліжай, —
Ведаеш гэта,
таварыш?
Памятай, ёсьць пасты,
Дзе на чале — варштат…
Жоўты ці чорны ты,
Калі працоўны —
брат!..
…Над куляй цьвіце небакрай.
Кіньма стагодзьдзяў груз!
Кожны задачу знай:
— Абараняць
Саюз!..
І каб ніколі плеч
Больш ня згінаў чалавек…
Альбо —
касьцямі легч,
Альбо —
у новы век!…
…Бі, барабан, —
тра-та-там!
Крокі ня зьлічыш ніяк…
Шырся,
і тут, і там.
Ярасьць ліхіх атак!..