Лукішкі (1929)/За кратамі

← У вастрозе

За кратамі Верш Аўтар: Алесь Салагуб 1929 год

Мы — арлы →

Прапануем да спампаваньня!

ЗА КРАТАМІ

Прысьвячаю таварышом, якія
наведвалі мяне ў „Лукішках“

Наведкамі, сябры,
Прыносіце ў катух
Палёгку мне
І волі дух.
Жвавей бруіць
У сэрцы кроў мая.
Шчасьлівы я,
Што ёсьць яшчэ
Для каго
Жыць.
За сеткаю
Я трапячу
Усімі фібрамі душы,
Бо ў труну маю
Прыносіце вясну,
Жыцьця і пачуцьця
Стругу.

*

Мы гутарым бяз слоў.
— Як справа?
— Як з ячэйкай?
— Мо‘ правалы?
А над табой
Снуюць,
Снуюць
„Дазорцы“—канавалы.

*

Зьвініць ланцуг,
Ключы…
— Бывай!
— Бывай!
Ізноў адзін…
Ды ў грудзёх — вясна,
Цьвіце ў жылах май.

Лукішкі.
12/X—27 г.