Маладая Беларусь (альманах)/2/Ciška Hartny/II/Pieśnia

Pieśnia
Верш
Аўтар: Цішка Гартны
1912 год

Іншыя публікацыі гэтага твора: Песьня (Гартны).

Прапануем да спампаваньня!

2. Pieśnia

Saławiejka na kalinie
Pieśniu raspiewaje.
Płače serce pa razłuce
S taboj, darahaja.

Choć šumić ručaj burliwy
Hutarku biazkonca
I kałysze halin sploty
Wietryk na sasonce.

Choć runiejuć prad wačami
Jarawyje niwy,
I ŭsio heta mnie hawore
Ab krasie ščaśliwaj, —

Ŭsioż ja nudny, niezdarowy,
Hora paturaju,
I chwilina u chwilinu
Ciabie ŭspaminaju.

Ŭspaminaju jasna, żywa
Wiesnawyje nočy,
Maładyje twaje ščoki
I čornyje wočy,

I rasšumlennyje koski
Na plečach na hrudziach…
Miły wobraz twoj na moment
Serce nie zabudzie.

Jano płače, mocna płače,
Żalicca na dolu,
Što zaŭsiody pahardżaje
Sercem biez patoli.

Što nia čuje jaho bolu,
Bolu krywianoha,
Razłučyŭšy tak s kahanniem
Mianie, maładoha…

Ja tak peŭna nie zjaśnieju
Toj krasy wialikaj
Što lijecca świetu soncem.
Ŭ jaho dziŭnym bliku.

Ja nia čuju, što hawore
Pieśnieju mnie ptaška…
Biez ciabie tak, darahaja,
Sumna mnie i ciażka!