Маладая Беларусь (альманах)/3/Wieršy (Петрашкевіч)/Nia śmiejsia…

Nia śmiejsia…
Верш
Аўтар: Альфонс Петрашкевіч
1913 год

Прапануем да спампаваньня!

Nia śmiejsia…

Ty nia śmiejsia z mużyka,
Što jon ciomny, biedny;
Nie ŭważaj što ŭ biedaka
Twar markotny, bledny, —
Nie ŭważaj!

Ty nia śmiejsia, što mużyk
Ŭwieś swoj wiek haruje;
Nie uważaj, što nudny zyk
U dušy panuje,
Nie ŭważaj!

Ty nia śmiejsia z jaho ruk,
Što krywioj ablity;
Nie uważaj, što mnoha muk
Znosić jon zabity, —
Nie ŭważaj!

Ty nia śmiejsia što ŭ lapciach
Chodzie jon abuty;
Nie ŭważaj, što na dzieciach.
Moch paros pakuty, —
Nie ŭważaj!

Ty nia śmiejsia, što ŭ šynku
Prapiwaje świtku;
Nie ŭważaj, što u haršku
Sała ni na nitku, —
Nie ŭważaj!

Ty paśmiejsia lepš s taho,
Kim jon wiek zahnany,
Chto ŭziaŭ wolu ad jaho, —
Ty paśmiejsia s pana…
Ty ŭważaj!