Маладняк — Янку Купалу (1925)/II/Хай жа вам так не здаецца

← Моладзі

Хай жа вам так не здаецца Верш Аўтар: Янка Купала 1925 год

Будзь сьмелым →

Іншыя публікацыі гэтага твора: Хай жа вам так не здаецца…

Прапануем да спампаваньня!

ХАЙ-ЖА ВАМ ТАК НЕ ЗДАЕЦЦА…

Хай-жа вам так не здаецца,
Што бяда ўжо і зацісьне.
Знайце, ліха ператрэцца,
І маланкай доля блісьне.

Праўда, поўны сумаў весьці
Буйны вецерь нам прыносіць,
Што як з гора, як з балесьці
Каля нашых хат галосіць.

І галосіць, і заводзе,
Плача, як па дзетках маці,
Аж-бы крыкнуў: годзе, годзе!
Годзе сэрца жалем рваці!

Але усё-ж, хай не здаецца,
Што бяда ўжо і зацісьне, —
Наша ліха ператрэцца,
І маланкай доля блісьне.

1906 г.