Матчын дар (1918)/На чужыне/Начлег

← Літанне Адзіноце

Начлег Верш Аўтар: Алесь Гарун 1918 год

⁂ Скажы, братухна… →

Іншыя публікацыі гэтага твора: Начлег (Гарун).

Прапануем да спампаваньня!

Начлег.

---

Сьпіць душа і розум сьпіць
Смачна, без трывогі.
Піць і есьці, есьць і піць —
Клопат увесь німногі.

Легка так. Ні маеш дум…
У прочках гдзе-сь маркота…
Боль прайшоу, уняуся сум,
— Спаць адно ахвота.

Сьпіць душа… і розум сьпіць!
Часам нехта узбудзіць.
Нібы устыдзіць, нібы кпіць,
Нібы крышку судзіць:

«Сорам, брат»… А далей слоу
Я праз сон: ні чую,
Зьнікне голас, ціха зноу…
У ясны дзень — начую.