Матчын дар (1929)/На чужыне/42

← 41. Начлег

42. ⁂ Скажы, братухна, калі параньне? Верш Аўтар: Алесь Гарун 1929 год

43. Ноч →

Іншыя публікацыі гэтага твора: Скажы, братухна, калі параньне…

Прапануем да спампаваньня!

42.

∗
∗     ∗

Скажы, братухна, калі параньне?
Калі сьвітаці пачнець у нас?
Праймчыцца ночка, і сонца ўстане,
І дасьць вясельле, і дасьць пакрас?

Скажы, братухна, калі прачнуся
Ад тэй навалы, ад тэй жуды,
І з ветрам буйным гуляць пушчуся
На сьвет, на людзі ці хоць куды?

А можа, браце, і сонца ўстала?
І льлець праменьні на лес, стэпы?
Ды так глыбока душа запала,
Што я нявісны, што я сьляпы?

Увагі

42. Скажы, братухна…

12 р. Слова „нявісны“ поэта ўжыў у сэнсе „нявідучы“. Параўн. слоўнік І. Насовіча ст. 328: „нявісьнець, занявісьнець — потемнеть“. „Вочы мае нявісьнеюць, занявісьнелі“.