Матчын дар (1929)/На чужыне/44

← 43. Ноч

44. ⁂ Хрыстос нарадзіўся! Хрыстос нарадзіўся! Верш Аўтар: Алесь Гарун 1929 год

45. Малітва →

Іншыя публікацыі гэтага твора: Хрыстос нарадзіўся! Хрыстос нарадзіўся!..

Прапануем да спампаваньня!

44.

∗
∗     ∗

З. Б-ку.

„Хрыстос нарадзіўся! Хрыстос нарадзіўся!“
Сьпяваюць у небе анелі:
„Збавіцель для сьвету на сьвеце зьявіўся,
Збавіцель, якога ня мелі!“

„Хрыстос нарадзіўся!“ Каб гэтая праўда
Зьісьцілася, браце, сягоньня…
Каб ўстала на сьвеце вялікая праўда,
Што крыўду у цемры прагоне

„Хрыстос нарадзіўся!“ Ці-ж мала мы чулі
Такую з нябёс абяцанку,
А вочы свае ледзь ад сну разамкнулі,
Няма і ня відна паранку!

„Хрыстос нарадзіўся!“ А дзе-ж яго знакі?
Цяпер я Тамаш і ня верую
Здаецца мне сьвет, як і быў, адзінакі,
А ў ім лютаваньне над меру.

„Хрыстос нарадзіўся!“ Не, хіба што будзе
Яго нараджэньне. Мы знаем,
Яго дачакаюцца іншыя людзі,
Ня мы дачакаем.

Увагі

44. З. Б-КУ.

У першай строфе двукосьсі прастаўлены на падставе аўтографаў (XV. 2. 28/37 і „сшытак“, 130 стар.).

16 р. …„лютаваньне“. У выданьні 1918-га году было „матаваньне“. Выпраўлена на падставе аўтографу („сшытак“, 130 стар.).