|
Wiasioły dzień dla nas nastaŭ,
Jakoha ceły świet žadaŭ;
Chrystos siahońnia z hrobu ŭstaŭ!
Alleluja, Alleluja, Alleluja!
Karol Niabieski k nam prybyŭ,
Jak ćwiet na soniejku zaćwiŭ,
Pa śmierci z nami znoŭ zažyŭ!
Alleluja…
Piakielnu nietru zwajewaŭ,
Usich tam złydnioŭ pakanaŭ,
Usim hrešnym łasku darawaŭ.
Alleluja…
Da troch dzion u piekli prawioŭ,
Ŭsio paciešaŭ Światych bačkoŭ,
Paśla s saboju ich pawioŭ.
Alleluja…
A tyje, što da adnaho,
Jak Zbaŭcu ŭbačyli swajho,
Zahamanili da jaho:
Alleluja…
Witaj, žadany, k nam witaj!
O Chryście, nas nie pakidaj,
Z piakielnaj mocy wybaŭlaj.
Alleluja…
Jakuju-ž radaść mieli ŭ ćmie
,
Jak Zbaŭcu ŭbačyli ŭ siabie,
Jakoha zdaŭna ždali ŭsie.
Alleluja…
Paśla Saboj Sam z hrobu ŭstaŭ,
Piečaciaŭ na-t nie pačepaŭ,
Na stražaŭ žutki strach napaŭ.
Alleluja…
A jak Chrystos z mahiły ŭstaŭ,
Swaich apostałoŭ witaŭ,
Da Matki Aniołaŭ pasłaŭ.
Alleluja…
Anioły wiernyje maje!
K Dziawicy jdzicie wy chutčej,
K Najświatšaj mataccy Majej.
Alleluja…
Witajcie Dziewu ad Mianie,
I zaśpiewajcie dla Jaje:
Witaje twoj synok Ciabie!
Alleluja…
Paśla u jasnaści takoj
Da Matki zbliziŭsia światoj
I pazdraŭleńnie kaže joj!
Alleluja…
Budź poŭna radaści usia,
Matula rodnaja Maja,
Załoba skončyłaś Twaja.
Alleluja…
Witaj-že, Jezu Moj žywy,
Synok Moj luby, załaty,
Paciecha ŭsiakaje dušy!
Alleluja…
Ach! wielmi wiesieła ŭžo mnie!
Žywoha ŭbačyŭšy Ciabie,
Jak nowym świet staŭ dla Mianie.
Alleluja…
Tak wiesieła z im reč wieła,
Całujučy rany Chrysta,
Z wialikim ščaściem adyšła.
Alleluja…
O Chryście, što ŭwaskros ŭ try dni,
Hrachi nam našy adpuści,
Dušy zbaŭleńnie pryniasi!
Alleluja, Alleluja, Alleluja!
| 
Прапануем да спампаваньня!