Описанье и оборона събору руского Берестейского/Оборона/3
| ← Роздѣлъ 2 | ОБОРОНА СЪБОРУ БЕРЕСТЕЙСКОГО Аўтар: Пётр Скарга 1597 |
Роздѣлъ 4 → |
Прапануем да спампаваньня!
Яко монархія або единовладство церковное въ Евангеліи
фундовано есть.
Хто верыть Евангелии, а слепоты геретыцкое не припущаетъ, видить и ледве не пальцомь дотыкатьсе можетъ, ижъ Господь нашъ Исус Христосъ Петра светого старьшымъ и наперъшимъ урядникомъ церкви Своее надъ иные апостолы учиниль. И если то прожъные слова Господъние до Петра светого суть: «на тобе збудую церъковъ Мою, бось ты есть опока и камень»? Яко ѳунъдаменътъ наперъвая есть речь, которая все будованье дерьжитъ, такъ Петръ светый наперъвшою есть головою церкви Божое, на которомъ се вся спираетъ. Што значней еще Хрыстосъ далъ знать, коли мовилъ: «тобе, а не иному, дамъ ключы царъства небесного». Кому отъ места ключы отдаютъ, за найвысшого урядника прызнаваютъ его. И хто всимъ, што въ дому есть, владнетъ, тотъ господаромъ есть всее челяди, который подъ своимъ ключомъ все ховаетъ. А назначней еще учинилъ Господь Петра пастыромъ всихь овецъ Своихь, коли мовиль: «паси овцы Моя: паси бараны Мое». То Еванъгелия! Хтожъ ей верити не хочеть, самъ толко поганинъ и Жыдъ! Слухай же на тые слова Господние о Петре светомъ своихъ Греческихъ докторовь, (учителей) и писаровь:
Орыенесь на 6 главу листу Павла светого до Рымлянъ: «кгды навысший рядъ и преложенство о пасенью овецъ Петрови давано, абы на немъ, яко на кгруньте, ѳунъдованая была церъковъ, — жадъное инъшое цноты вызнанья оть него не вытегаючи, одно милость».
Василей (слово о суде Божомъ): «онъ, поведа, благословеный Петръ, которыи надъ иные учни преложный есть, которому ключы царства небесного поручоны суть».
Назыанзень (о порядъномъ гадательстве: який порядокъ въ гаданью заховати маемъ) пишучы мовить: «смотры, яко межи учнями Христовыми, которие вси были великие и обранья годъные, тотъ каменемъ названый есть, и основание церьковьное вѣре своей повероное маеть. А другие учневе ижъ занехани суть, покоръне то зносять».
Епиѳаней (ереси 51): «Петра, поведа, обралъ, абы былъ вожомь учневь». И въ Аньхорате: «тотъ есть, мовить, Петръ, который услышалъ: паси овъцы Мое, которому поверона есть овъчарня».
Кириль Ерозолимъский [въ] Катехизме Петра светого «княжатемъ апостольскимъ» зоветь. И Кирилъ Алексанъдрийский такъ мовить (въ толъковани светого Яна, глава 64): «яко преложоный и голова иныхъ первъшый Петръ заволалъ: Ты еси Христосъ Сынъ Божый».
Иоан Златоустый (въ гомилии 11 на евангелисту Матфея): «Петра, дей, церъкви пришлое пастыромъ учиниль». И нижей: «Самъ то Панъ Богъ справить моглъ, ижъ церковъ пришлая, кгды на нее такие и такъ великие навальности были, целая и ненарушеная зостала, которое пастырь и голова чоловекъ рыболовъ и подлый есть». И нижей: «Еремияша надъ однимъ народомъ преложилъ Панъ Богъ, а Петра надъ всимъ светомъ Христосъ поставилъ».
Ѳеоѳилакт (на главу 22 Луки) на оные слова «укрепляй братю свою» такъ мовить: «ясное есть розуменье тыхъ словъ: маю тебе за княже и преложоного надъ иными учънями, коли по запрению покутовать и плакать будешъ, потверъжай братю. Бо то тобе належыть, который еси по Мне есть опокою церъковъною и ѳундаменьтомъ». Добре мовилъ «по Мне», бо Христосъ есть церък[в]и светое каменемъ и основаниемь, яко Павелъ светый мовить, але яко начальникъ до спасения и невидомое благодати даваня. А Петръ светый тежъ есть каменемъ и основанемъ, але до правления зверхьного и до науки, яко слуга и наместникь Христовъ.
Генънадей Схолярый, патриаръха Царигородъский, такъ тежъ пишеть (о старейшинстве, глава 2): «яко Господь Исусъ Христосъ на земли былъ головою, паномъ и мистромь учневъ Своихъ, и отцомь и пастыромъ, такъ коли постановилъ на столицу отцовскую вступить, Петра имъ далъ за преложного, за отца и мистра, а однымь словомъ мовечы - далъ его за наместника Своero». То патриярьха Царогородъский противъ Грековъ. Перестань на тыхъ Греческихъ отцохъ, брате неупорьный, поневажь ижъ Исус Христосъ въ церькви Своей хотелъ меть единовладьство або монарьхию, абы одинь всего догледаль и рядилъ.