Песьні-жальбы (1910)/Думкі/Рана засмуцілісь…

← Думкі

* * * (Рана засмуцілісь…) Верш Аўтар: Якуб Колас 1910 год

Весна →

Іншыя публікацыі гэтага твора: Рана вам журыцца…

Прапануем да спампаваньня!

∗
∗               ∗

Рана засмуцілісь
Думкі, сэрца дзеткі,
Рана вы завялі,
Веснавые кветкі!

Ці мароз знячэўку
Вас прыбіў вясною,
Як на сьцежку жыцьця
С простаю душою

Стаў я, поўны веры,
Радасьці і сілы.
Што-ж на вас дыхнуло
Холадам магілы?

Што-ж вы не спакойна
Кружыцесь, як пчолы?
Думкі мае думкі!
Што вы не вясёлы?

Ці краіны роднай
Балоты гнілые
Смуткам вас акрылі,
Думкі маладые?
Ці вас песьня—жальба,
Думкі, ўзгадавала?
Ці людзкое горэ
Ӯ лесі вас спаткало?

Ці маё так жыцьцё
З дзён малых злажылось,
Што мая дарога
Смагаю закрылась?

Рана засмуцілісь
Думкі маладые,
Рана вы завялі,
Кветкі веснавые!