Песьні-жальбы (1910)/Родные абразы/На гасьцінцы

← Дарога

На гасьцінцы Верш Аўтар: Якуб Колас 1910 год

Чугунка →

Іншыя публікацыі гэтага твора: На гасьцінцы (Колас).

Прапануем да спампаваньня!

НА ГАСЬЦІНЦЫ.
Чыстым інеем пакрыты
На гасьцінцы берэзьняк,
Космы густа ім абвіты;
Ӯ белым сьнезе маладняк.
Сьвішчуць сані на марозе,
Коні рвуцца і хрыпяць,
Крык і гоман на дарозе,
Бомы стогнуць і зьвіняць.
Скверыць холад. Пабялелі
Вусы, сьвітка вазака,
Толькі шчокі счырванелі
Ад марозу ў мужыка.
Перад сьвятам заработкі,
А дарога, як сьлеза!..
Толькі бухаюць калодкі,
Толькі сьвіст ад палаза!